Mamá wa Bikolo binso
Artíclɛ ya Wikipedia.
Mamá wa Bikolo binso ezalí losambo na Maria, mamá ya Yésu. Ezalí losámbo ya eklézya katolíko.
Na Bikamo bisantu, ntango insi, soko bakotanga Maria «Mamá» (mwasi) ekolakisa mosala mwa ye mwa Molobeli-mobongisi. Na bamibu 1945 – 1959, na Amsterdam (Holanda, Erópa), mwasi moko nkombo 'te Ida Peerdeman, azwakí bamessages minene. Maria azalí kuyebisa 'te na «bileko biye mpenza» ye alingi 'te batanga ye na nkombo 'te Mamá wa Bikolo binso.
Akosenge 'te Pápa wa Roma asakola dogma ya Maria Mobikisi-mosalisi, mokabeli wa ngrásia inso, mpé molobeli. Soko bongo, Mamá wa Bikolo binso ndapesi solo solo boboto na nse mobimba. Apesi bisu losambo loye, mpé elili eye. Tokomono 'te akoteme liboso lya Kuruse, mpé asangani mpenza na malozi ma Yésu. Na maboko ma ye ikobima ngenge isatu: «ngrásia, libiki na boboto» mpo ya bikolo binso.
Makabo maye manso mauti na Kuruse ya Yésu. Maria ndakaboleli mango na baye banso bakosambelaka na mpiko mokolo na mokolo losambo loye, o liboso lya Kuruse to elili eye.
[kokoma] Losambo
Mokonzi Yésu Kristo,
Mwǎna wa Tata
tinda sikawa Elimo wa yɔ̌ o mokili.
Fandisa Elimo Santu o mitema
mya bikolo binso,
na ntina 'te babika na bobebi,
makama ma mawa mpé na etumba.
Mamá wa Bikolo binso,
oyo batabgaka Maria,
azalá Molobeli wa bísó.
Amen.
