Bosato (Boklísto)

Na boklisto, Bosato (to Bosato Bosantu) ezali Nzambe moko na bato misato ekeseni: Tata, Mwana mpe Molimo Mosantu, bakokani, bazali na eloko moko ya bonzambe.

Bosoto bosantu

Kondima na Bosato ezali etinda ya moboko oyo ezali na mangomba minene ya boklisto: Lingomba ya Katolike, lingomba ya Ɔrtɔdɔkse, mpe Lingomba ya Protesta. Moboko ya liteya yango emonisami na Bondimi ya Likita ya Liboso ya Constantinople ya mobu 381.

Likanisi ya "Bosato" ezali komonana polele te na Kondimana ya Sika, kasi bato misato bapesami nkombo mpe bamonisami kuna mbala na mbala, na bokeseni na bango lokola mpe na bomoko na bango. Mpo na teoloji ya boklisto, bato misato wana, to ba hypostases, bazali Nzambe moko na lolenge ya Bosato.

Atako liloba "Bosato" ezali te na Kondimana ya Sika, bato misato ya bonzambe bapesameli nkombo, basalaki mpe bamonisami kati na yango, ezala na bokeseni na bango mpe na bomoko na bango, mingi mingi na Nsango Elamu engebene na Matai mpe na Mokanda ya Mibale epai ya Bakolinti .

Likanisi ya bosato

Liloba ya mateya ya Bosato emonisami, engebene mateya ya boklisto, lokola mbano ya lolenge oyo Nzambe abimisaki libombami na ye: lokola amonisaki liboso bato ya Bayuda bozali na ye mpe bokeseni na ye, oyo Kondimana ya Kala ezongeli, na nsima abimisi yango ye moko lokola Tata, Mwana, mpe Molimo Mosantu na nzela ya botindiki ya Mwana mpe Molimo Mosantu, oyo Kondimana ya Sika ezongeli.