Joël Kimwaki

Joël Kimwaki Mpela o mibu 2016

Joël Kimwaki Mpela, azali mosani ya ndembo ya mboka Congo, abotami mikolo ya zomi na minei (14) o sanza ya zomi (10) o mibu 1986. Azali kobeta lokola mokengeli liboso ya mokengeli mongete, azali kobeta na FC Renaissance.

Biografi ya bomoi ya bato

Kimwaki abandaki mosala na ye na Daring Club Motema Pembe na Kinshasa.

Na 2010, Kimwaki a signaki na Tout Puissant Mazembe. Abeta na Coupe du monde ya ba clubs na 2010, esika abeta na finale contre Inter Milan (défaite 3-0).

Na koponama ya ekolo mboka Congo

Kimwaki abeta koponama na ye ya liboso na bai mboka ya ekolo ya Libye na CHAN o mibu 2009 (Elonga 2-0).

Asanganaki na CHAN o mibu 2009 na ékipe ya mboka République Démocratique du Congo.

Na mibu 2015, abengamaki na Florent Ibenge mpo abeta na CAN ya mibu 2015. Akotisaki mongete na ye ya liboso na bo mekisano na bai mboka Congo oyo Brazza.

Asanganaki na CHAN ya mibu 2016 na ékipe ya mboka République Démocratique du Congo oyo elongaki bomekisano ena.

Uta maponama ya ekolo mboka Congo Joël Kimwaki Mpela o mibu 2016

Coupe du monde ya ba clubs ya FIFA 2010 na Tout Puissant Mazembe

Joël Kimwaki Mpela, abandaki mpo na finale ya Coupe du monde ya ba clubs ya FIFA 2010 na pembeni ya mokengeli mongete na sima ya esika ya masano to mpe na défense uta eponeli ya moko, minei, mitano na moko neti etandelo ya 1-4-5-1 ya molakisi ya ékipe Tout Puissant Mazembe ndeko mobali Lamine N'Diaye . Masano ena ealaki katikati ya Tout Puissant Mazembe ya Congo démocratique na FC Internazionale Milano ya Italie , oyo ya suka emoni ba congolais kopola na mingete misato na eloko te (3 - 0) pona ba Italiens nde bazuaki elonga, kopola ya lokumu mpo na ékipe ya Joël Kimwaki Mpela mpo Tout Puissant Mazembe ekomaki pamba te club ya liboso o kontina Africa oyo ekomaki na finale ya Coupe du monde ya ba clubs ya FIFA na o mibu 2010, ezalaki likambu yako kamwisa mingi mpeza.

Liste ya ba prix

Uta na club

• Molongi ya Championnat ya République Démocratique du Congo na 2008 na DCMP
• Molongi ya Coupe Congo na 2009 na DCMP
• Na mibu 2010 finaliste ya Coupe du monde ya ba clubs
• Molongi ya championnat ya République Démocratique du Congo na 2011, 2012, 2013, 2014 na 2016 na Tout Puissant Mazembe
• Molongi ya Ligue des champions ya CAF na 2010 na 2015 na Tout Puissant Mazembe
• Molongi ya Super Coupe ya CAF na 2010 na 2015 na Tout Puissant Mazembe
• Finaliste ya Coupe ya Confédération africaine ya Football na 2013 na Tout Puissant Mazembe
• Molongi ya Coupe ya Confédération 2017

Uta Koponama ya ekolo mboka Congo

• Molongi ya Championnat ya Nations africaines (CHAN) 2009 mpe 2016 na République Démocratique du Congo
• Ya misato na Coupe d'Africaine 2015 na RD Congo

Tala mpe lisusu

• Tout Puissant Mazembe