Mángwelé ma Epatíte B

Mángwelé ma Epatíte B eza mángwelé oyo ebatelaka batu na epatíte B. Esengelaka kopesa dose ya yambo nakati ya ngonga 24 sima na mbotama mpe dose mibale to misato mosusu kopesa yango nasima. Yango ezali mpo na baye baza na bokengi ya nzoto eye ekosala malamu te neti kowuta na bokono ya  VIH/SIDA na mpe baye babotami mobesu. Mpo na baye bazali na nzoto nkolongunu mángwelé esalaka ete koleka 95% ya batu bazala ya kobatelama.

Esengelaka komeka makila ya baye bazali na risque monene ya kozwa bokono mpo na kosembola soki mángwelé esimbaki. Esengelaka ntango mosusu kobakisa ba dose misusu mpo na batu oyo bokengi ya nzoto nabango ezali kosala malamu te, kasi ebele ya batu misusu esengelaka te kobakisela bango ba dose.Mpo na baye bazwaki mángwelé ya virus ya hepatite B kasi naino bakomi immunisé te, esengeli kobakisela bango ba himmoglobule ya hepatite B likolo ya mángwelé. Mángwelé oyo epesamaka na nzela ya kobeta tonga na misunyi ya nzoto.

Ba effet secondaire ya makasi kowuta na mángwelé ya hepatite B ezalaka mpeza te. Mpasi ekoki kosalema na esika babetaki tonga. Mángwelé oyo eza na mindondo te kosalela na eleko ya zemi to ntango ya komelisa mwana libele. Bakoki naino te kolakisa soki mángwelé oyo ememaka syndrome ya Guillain-Barre. Mángwelé ya mikolo basali yango na bosangisi ADN. Ekoki kozwama yango moko to na oyo esangisami na mángwelé misusu.

Mángwelé ya yambo ya hepatite B endimamaki na Etats Unis na mobu ya 1981. Lolenge ya mángwelé oyo eza na mindondo ata moko te ebandaki kotekama na mobu ya 1986. Mángwelé oyo eza na Liste ya ba nkisi ya Ntina ya Organisation Mondiale ya Santé, nkisi ya ntina mpeza oyo esengeli kozanga te na ba lopitalo. Talo mpo na kosomba na mipiko-mipiko eza kati ya 0.58 na 13.20 USD mpo na dose moko kotala na mobu ya 2014. Na Etats Unis talo nayango ezalaka kati ya 50 na 100 USD.