Pulúpulú

Útá Wikipedia.
Kokɛndɛ na: bolúki, boluki
Pulupulu
Classification and external resources
Micrographie ya electron ya rotavirus, ntina ya pene na 40% ya baye bakolalisama na mbeto ya lopitalo kowuta na pulupulu kati ya bana ya mibu na se ya mitano.[1]
Micrographie ya electron ya rotavirus, ntina ya pene na 40% ya baye bakolalisama na mbeto ya lopitalo kowuta na pulupulu kati ya bana ya mibu na se ya mitano.[1]
ICD/CIM-10 A09, K59.1 A09, K59.1
ICD/CIM-9 787.91 787.91
DiseasesDB 3742
MedlinePlus 003126

Pulupulu to diarrhées eza lolenge ya kolekisa bosoto ya petepete to ya mayi mayi mosukusuku na mitshopo mikolo nionso. Mingi mingi esala mua mikolo mpe ekoki komema bokauki ya mayi ya nzoto kolandana na bobungi bua mayi. Bilembo ya bokauki ya mayi ya nzoto mingi mingi ebandaka na bobungi bua milelo ya loposo ya nzoto mpe mbongwana ya bomoto. Yango ekoki kokoba kino na kozanga masuba, bobungi bua mokobo ya loposo, motema kobeta mbangu mbangu, mpe bolembu ya kosala likambo tango bokono oyo eza kokoma makasi koleka. Kolekisa bosoto ya petepete kasi eye ezali ya mayi te epayi ya bana bake baye bazali komela libele ya mama, yango, ekoki kozala likambo te.[2]

Ntina eye eyebani mingi mpeza eza infection ya mitshopo kolandana na virus, ba bacteries, parasite, to lolenge loye loyebani bo kovimba ya miqueuse to gastro-entérite. Ba infections oyo mingi mingi ezwamaka na bilei to na mayi oyo eza contaminé na nyei, to mbala moko kowuta na mutu mususu oyo azali na bokono bona. Ekoki kokabolama na lolenge misato: pulupulu ya mayi ya ngonga mokuse, pulupulu ya makila ya ngonga mokuse, mpe soki ewumeli koleka poso mibale, yango ezali bongo pulupulu ya moto mangwongi. Pulupulu ya mayi ya ngonga mokuse ekoki kozala elandani na infection ya choléra. Soki eza na makila yango eyebani mpe bo dysenterie.[2] Pulupulu ekoki mpe kozwama na banzela misusu oyo ezali ya infection te, yango eza:A number of non-infectious causes may also result in diarrhea including: hyperthyroïdie, intolérance ya lactose, bokono ya kovimbisa mitshopo, lolenge songolo to pakala ya bomeli bua nkisi, mpe syndrome ya kotungisama na mitshopo among other.[3] Na bambala mingi lolenge ya nyei esengelaka te mpo na koconfirmer ntina mpeza ya bokono.[4]

Prevention ya infection ya pulupulu esalemaka na nzela ya bolengeli malamu assainissement, mayi ya komela ya petwa, na kosukola maboko. Komelisa mwana libele ya mama au moins sanza motoba yango mpe ezalaka recommander bo mangwele ya bobateli na rotavirus. Solution ya bozongisi mayi na bomeli (ORS), yango ezali bongo mayi ya petwa na motango moke ya mungwa mpe sukali, eza choix malamu ya traitement. Zinc tablets are also recommended.[2] Ba traitements oyo etangemi bo ebikisi bamillion 50 ya bana na mibu 25 mileki.[1] Tango batu bazwamaka na pulupulu basengaka na bango bakoba koliya bilei malamu mpe babébé bakoba komela libele ya mama.[2] Soki mayi ya kozongisa na nzoto oyo etekamaka ezwami te, batu bakoki kosalela basolution eye elengelami na ndako.[5] Baye mayi ya nzoto ekauki mpeza makasi bakoki kosengela na bozongisi mayi na nzela intraveineuse.[2] Kasi, ba cas mingi; ekoki kolengelama malamu na bozongisi mayi na nzela ya monoko.[6] Ba antibiotique, atako basalelaka yango mingi te, ekoki kozala recommander mpo na ba cas mike neti mpo na baye baza na pulupulu ya makila na fièvre ya makasi, baye baza na pulupulu sima ya mobembo ya makasi, mpe baye bazwami na ba bacteries to ba parasites songolo kati ya nyei nabango.[4] Loperamide ekoki kosalisa mpo na kokitisa mosukusuku nakati ya mitshopo kasi eza recommander te mpo na baye bazali kobela makasi.[4]

Pene ya 1.7 kino 5  ya babillion ya ba cas ya pulupulu ezwamaka na mobu moko na moko.[2][3] Ezwamaka mingi na ba pays en voie de développement, epayi wapi bana bake bazwaka pulupulu pene mbala misato na mbula.[2] Na mokili mobimba, uta mobu ya 2012, pulupulu eza ntina ya mibale ya liwa ya bana mike na se ya mibu mitano (0.76 million to 11%).[2][7] Pulupulu ya kozonga mbala na mbala ezalaka mpe ntina ya bolei mabe mpe ntina ya mikakatano miye miyebani koleka mpo na bana bake ya mibu na se ya mitano.[2] Nkokoso misusu oyo ekoki kobimela sima na eleko molayi ekoki kowuta na bokoli mabe na nzoto mpe mayele.[7]

Ba références[kokoma | kobɔngisa mosólo]

  1. 1,0 et 1,1 "whqlibdoc.who.int" (PDF). World Health Organization. http://whqlibdoc.who.int/publications/2009/9789241598415_eng.pdf. 
  2. 2,0, 2,1, 2,2, 2,3, 2,4, 2,5, 2,6, 2,7 et 2,8 "Diarrhoeal disease Fact sheet N°330". April 2013. http://www.who.int/mediacentre/factsheets/fs330/en/. Retrieved 18 June 2014. 
  3. 3,0 et 3,1 (en) edited by Basem Abdelmalak, D. John Doyle, Anesthesia for otolaryngologic surgery, Cambridge, Cambridge University Press,‎ 2013, 282–287 p. (ISBN 1107018676)
  4. 4,0, 4,1 et 4,2 DuPont, HL (Apr 17, 2014). "Acute infectious diarrhea in immunocompetent adults.". The New England journal of medicine 370 (16): 1532–40. doi:10.1056/nejmra1301069. PMID 24738670. 
  5. (en) edited by Sarah Long, Larry Pickering, Charles G. Prober, Principles and practice of pediatric infectious diseases, Edinburgh, 4th,‎ 2012 (ISBN 9781455739851, lire en ligne), p. 96
  6. "Nation’s Emergency Physicians Announce List of Test and Procedures to Question as Part of Choosing Wisely Campaign". http://www.choosingwisely.org/nations-emergency-physicians-announce-list-of-test-and-procedures-to-question-as-part-of-choosing-wisely-campaign/. Retrieved 18 June 2014. 
  7. 7,0 et 7,1 "Global Diarrhea Burden". January 24, 2013. http://www.cdc.gov/healthywater/global/diarrhea-burden.html. Retrieved 18 June 2014.