Joseph Kabila

Útá Wikipedia.
Kokɛndɛ na: bolúki, boluki
Joseph Kabila

Joseph Kabila Kabange (abótámi mokɔlɔ 4 ya sánzá ya motóbá ya 1971) azalí mokambi-ekólo ya Kongó-Kinsásá. Alandí tatá wa yě, Laurent-Désiré Kabila. Mokambi-ekólo óyo akutákí liwa na loboko wa garde-du-corps waye, na Janvier 2001. Na bokonzi na yě, azalí komeka kosilisa bitumba, mpe kobimisa mapinzo ya bisé mosusu olibanda ekolo Kongó-Kinsásá. Nàkolanda siniatire ya mokanda ya kimia, bulamatari ya sika, pona eyángeli ekolo pona mbula mibale, ekelamaki na 2003, mpe okati wango bakotaki bakambi ya mapinzo mibale ya makasi koleka, oyo basilikelaki bulamatari, to mpe barebɛl; bango bakotaki na kimokonzi lokola bakambi-babale, elongo na moto moko pona parti ya mokambi-ekolo, mpe moto mosusu pona bato oyo bakeseni na politiki ya parti oyo ezali na kimokonzi, kasi baselalaka minduki te (mingi-mingi babengami opozision). Mokanda ya mibeko-mokonzi to mpe konstitision elobi ete maponeli likosalema liboso ya 30 Yuni ya 2006.


Kabila abundaki na mapinzo ya barebɛl ya tata wa ye, nà bitumba oyo ememaki wa ye tata o kimokonzi. Alandaki kelasi ya mapinzo okati ya mapinzo ya Uganda mpe ya Rwanda. Asalaki na misala mingi okati o bulamatari liboso ya kozala mokambi-ekolo, lokola oyo ya General-Major mpe Mokambi-lisanga ya Mapinzo ya mabele ya ekolo Kongó-Kinsásá, esika oyo a kambaki basoda o ekolo Kongó-Kinsásá na bitumba ná barebɛl, obanda 1998. Kasi bato mingi bakanisaki ete ye azalaki na manso makokí te pona mosala ya mokambi-ekolo, na ntango alandaki tata wa ye Laurent-Désiré Kabila na kimokonzi.

Tála mpé[kokoma]

Nkásá o libándá Wikipedia[kokoma]


Mokonzi wa ekólo ya Kongó-Kinsásá

Joseph Kasa-Vubu | Mobutu Sese Seko | Laurent-Désiré Kabila | Joseph Kabila


Wiki letter w.svg Óyo ezalí ndámbo. Okokaka kosálisa mpé kobalusa.