Bellevue kandy

Bellevue Kandy

Bellevue Kandy en 2024

Biographie

Naissance	12 Octobre 1980 Kinshasa, Zaïre (République démocratique du Congo)
Nom de naissance	Belinda Kikusa Kandy
Surnom	La patrona, Poutine de l'écriture
Nationalité	Congolais
Père	Joseph Kandy
Mère	Luisa Nzumba Kinduelo

Autres informations

Cheveux	Moindo
Yeux	Marron
Films notables	Italien (2020), Mon Erreur (2021), Decolage (2022), Vonette (2023), Avocat (2024)

Belinda Kikusa Kandy, ayebani na kombo ya Bellevue Kandy, abotama na mokolo ya 12 octobre 1980 na Kinshasa (RDC), azali actrice, réalisatrice, productrice mpe scénariste congolaise.

Biografi

Kandy abotamaki le 12 octobre 1980 na maternité moko na Kinshasa, na République démocratique du Congo. Tata na ye, Joseph Kandy, akufaki ntango azalaki na sanza misato, atiki ye na bandeko na ye mwambe na maboko ya mama na bango, Luisa Nzumba Kinduelo, oyo mpe akufaki na 2016. Kandy azwaki diplôme na Institut National des Arts (INA).

Mosala

Sima ya kelasi na ye, Kandy abandaki mosala na ye na kati ya etuluku « Simba », oyo ekambamaki na mokambi Elombe Sukari, moto monene na lisolo ya teyatre ya Congo oyo asanganaki na etuluku « Salongo ».

Simba Group ezalaki na bato lokola Yandi Mosi, Lule, Décor Ilonga, Milo (Mimie Loleka), Léa Ndaya, Ursule Peshanga, Maman Kalunga mpe Bellevue. Kandy amonanaki na série télévisée ya Côte d'Ivoire Ma Grande Famille pembeni ya Michel Gohou, Michel Bohiri mpe Clémentine Papouet.

Na 2022, film Cabal, oyo ezali na ba épisodes libwa, ezuaki 1 million ya ba vues na YouTube. Ezalaki elonga monene na République Démocratique du Congo mpe na kati ya Diaspora Congolaise na mokili mobimba.

Na milulu ya Nzonzing Awards ya 2021, oyo esalemaki na Hôtel Memling na commune ya Gombe, Kandy azwaki mbano mpo na misala na ye na biteni ya basi ya lokumu, ya lisapo, mpe ya mayele. Na 2022, Kandy azwaki ba nominations ya actrice ya malamu mpe ya réalisatrice ya malamu mpo na mosala na ye na ba films « Empuissance » mpe « Famille Honorable » na Nzonzing Awards.