Dieudonné Kayembe Mbandakulu

Dieudonné Kayembe Mbandakulu

Biographie

Naissance	9 avril 1945 Élisabethville, Katanga
Nationalité	Kongó-Kinsásá
Formation	École spéciale militaire de Saint-Cyr (en) Command and General Staff College (en)
Activités	Homme politique, militaire

Autres informations

Grade	1997 : général de brigade 2007 : Lieutenant-général

Dieudonné Kayembe Mbandakulu Tshisuma (abótámí o 9 apríli 1945) ezalí mokonzi ya basáli ya mampinga ya Congo démocratique. Banda 12 juin 2007, azali na grade ya lieutenant général.

Boyekoli

Azwaki mateya ya ebandeli na Athénée ya Lubumbashi, mpe na nsima na eteyelo ya secondaire na Mbuji-Mayi na Kasaï Oriental.

Na 1966, akɔtaki na Eteyelo monene ya basoda na Saint-Cyr, na France. Azali na promotion moko na Colonel ya Congo Philippe Bikinkita.

Na 1968, nsima ya kozwa formasyo yango, akɔtaki na eteyelo ya basoda oyo babundaka na makalo (école d'application des armes blindées cavalerie) na Saumur, na France.

Na nsima, Kayembe akɔtaki na eteyelo ya bakonzi ya basoda na Fort Knox, na etúká ya Kentucky, na États-Unis. Formasyo oyo akozwa na eteyelo yango ekopesa ye ndingisa ya kosala lokola mokonzi ya basoda.

Na nsuka ya bambula ya 1970, azalaki kosala na logistique (T4) na Division Kamanyola, na Katanga. Abengamaki na Kasaï na ntina na likambo ya Mukobo, oyo etalelaki bifundeli oyo bafundaki General Mukobo na likambo ya minduki oyo eutaki na Belgique mpe etindamaki na Zaïre ya Mobutu.

Mosala

Na sima ya Laurent Désiré Kabila, na sanza ya mitano ya mobu 1997, Colonel Dieudonné Kayembe aponamaki mokambi ya cabinet na Ministère ya Défense, mpe alongwaki na ebonga ya colonel na ebonga ya général de brigade.

Aponamaki mokemoke vice-ministre ya Défense mpe na nsima ya Reconstruction. Na 2002, azalaki Chef d'état-major ya quartier général ya Forces armées congolaises, na sima akomi directeur général ya Détection militaire des activités anti-patrie (DEMIAP), service ya renseignement militaire congolais.

Na mokolo ya 12 sanza ya motoba ya mobu 2007, mokonzi ya République, Joseph Kabila, oyo azali mokonzi monene ya mampinga ya basodá, atombolaki ye na ebonga ya lieutenant général mpe aponaki ye mokonzi ya Etat-major général ya FARDC. Azwi esika ya Lieutenant Général Kisempia Sungilanga.