Guti
Kokanga guti ezalí loléngé la kokangisa misapi míbalé mɔ̌kɔ́ likoló lya mosúsu mpɔ̂ na kolíkya lupemba mpé na Kongó-Kinsásá bǎna bakɛ́ basálaka lisano lya guti.
Lisano lya guti
[kokoma | kobɔngisa mosólo]Na Kongó-Kinsásá bǎna bakɛ́ baisálaka lokóla lisano kasi lisano lyango likosenge 'te basani baye bazalí kosakana bakanga guti na ntángo ínsɔ. Sɔ́kí mɔ̌kɔ́ wa basani na lisano lya guti azalí na elɔ́kɔ sóngóló tǒ pakala, mosani mosúsu akoki komoyebisa guti(kosenge guti) eye elingi koloba pɛsɛ ngáí elɔ́kɔ eye ozalí na yangó. Sɔ́kí mosani óyo azalí na elɔ́kɔ akangákí guti, yě akolakisa lobɔ́kɔ la yě mpé guti eye yě akangi mpé mosani óyo alobi guti azalí na nguyá atâ mokɛ tɛ́ ya kokamata elɔ́kɔ ya yě, kasi sɔ́kí yě akangákí guti tɛ́, yě akopɛsɛ elɔ́kɔ êná na mosani óyo asengi guti mpé mosani óyo asengi guti akokoma nkóló elɔ́kɔ. Lisano lya guti esalámaka míngi na bilɔ́kɔ bya koliya tǒ bya kosakana kasi na bilɔ́kɔ bisúsu tɛ́ lokóla bilambá mpé yangó esakanami míngi na bǎna bakɛ́ mpenzá óyo bazalí naíno na ebandelo ya kelási ya libandeli.
 Óyo ezalí ndámbo. Okoki kosálisa mpé kosungǎ.
|