Nzángó

Útá Wikipedia.
Sauter à la navigation Sauter à la recherche

Nzángó ezalí lisano liye ekoki kosálama na bato babalé tǒ ebelé tǒ mpé lisúsu na masangá mabalé. Basani babalé bakobɛtɛ (atâ sɔ́kí ezalí ya masangá, káka basani babalé bakobɛtɛ, mɔ̌kɔ́ ya lingómbá mɔ̌kɔ́, mosúsu ya lingómbá lisúsu. Nsima bakokoba kobɛtɛ Ɛngɛ́bɛ́nɛ́ ya motíndo mwa lisano). Basani eye bazalí kosana, bakopúmbwa mpé bakobɛtɛ mabɔ́kɔ ma bango elɔngɔ́ nsima bakobimisa lokolo mɔ̌kɔ́ libosó ntángo bangó bazalí kosunda na mabelé. Bangó babɛti lokolo mɔ̌kɔ́(na bosɔ̂lɔ́ lokolo mɔ̌kɔ́ ezalí makolo makeseni, kasi yangó ebêngami lokolo mɔ̌kɔ́ mpó makolo makútani. Basani basangeli kotálana mpó na kobɛtɛ nzángó) tǒ lokeseni (áwa basani bakobɛtɛ lokolo mɔ̌kɔ́ kasi lokóla bangó batálani, yangó ebêngami makolo makeseni mpó lokolo la mosani mɔ̌kɔ́ ezalí na ngámbo mɔ̌kɔ́ mpé lokolo la mosani mosúsu luzalí na ngámbo esúsu.).

Loléngé la Nzángó[kokoma | kobɔngisa mosólo]

  • Nzángó ya ntúkú mibalé na mítáno: lisano liye likoki kosakanemela na bato babalé tǒ ebelé. Mokáno mwa moto nyɔ́nsɔ ezalí kokokisa motúya ntúkú mibalé mpé sɔ́kí mosani akokisi motúya ntúkú mibalé na mítáno, yě alóngi mpé abimi na lisano. Mosani wa nsúka óyo akotikala na lisano ndé akopɔlɔ.

Nzémbo ya nzángó[kokoma | kobɔngisa mosólo]

  Ngala ya mwǎna bato, bokofúta lóbí
  lóbí lóbí lóbí, ekómi ya nyongo.

   Mɛma yě na wɛnzɛ, sómbela yě mikáté.
   Sɔ́kí ozóngi osúbaka, yɔ̌ osúbaka. (nzángó ya kozongisa)

Maloba ma nzángó[kokoma | kobɔngisa mosólo]

  • Malepo ezalí liloba liye basani bakogánga na lisano lya masangá mibalé sɔ́kí bakómi na esíká eye lingómbá lyɔ̌kɔ́ lilingi kokɔ́tisa mpwé. Sɔ́kí, ɛngɛ́bɛ́nɛ́ na lokolo (mɔ̌kɔ́ tǒ lokeseni) lingómbá lîna lilóngi na mbala wâná bangó bakogánga.

  Eh ya bísó,
  Eh ya bísó, eh ya bísó.

mpé lisano likokoba.

  • Kodonda elingi koloba kopúmbwa likólo makasi na ntína ya kobimisa lokolo na nsima ya moníngá. Na nzángó, basani basengeli kobimisa makolo ma bangó elɔngɔ́. Kodonda ezalí koyíba (*tricher) na nzángó.

Nzángó na mikɔlɔ miye[kokoma | kobɔngisa mosólo]

Na ntángo ya kala, nzángó ezaláká lisano lya bǎna bakɛ́ kasi lɛlɔ́ nzángó ekomá mpé lisano lya bakóló baye bakobɛtɛkɛ lokóla *sport mpé *loisir. Nzángó ya bakóló ezalí na mibéko ebelé, yangó ezalí na ndelo ya bondɔbɔ́ eye basani basengeli koleka tɛ́ mpé sɔ́kí mosani aleki ndelo êna bakoki komobengana na lisano

Nkásá ó libándá[kokoma | kobɔngisa mosólo]

Nzángó<br\> Nzángó video


Wiki letter w.svg Óyo ezalí ndámbo. Okokaka kosálisa mpé kobalusa.


Tug of war pictogram.svg Masano Aéroball pictogram.svg

Masano lya ndembo · Motópi · Motópi mwa dangú ·
Bobuni bwa makɔ́fi ·
Masano masúsu ma bǎna · Silikɔ́ti · Lipatɛ́ · Kɛ́dɛ́n · Coca cola · Nzángó · Kébó · O likólo · Kɛ́dɛ́n · Kɛ́dɛ́n · Djemba