O likólo

Útá Wikipedia.
Sauter à la navigation Sauter à la recherche

O likólo ezalí lisano lya bǎna liye lisanami na ndembó. Esanami na basani básáto tǒ masangá mabalé. O likólo ezalí loléngé mibalé, loléngé lɔ̌kɔ́ lusengeli na molangi tɛ́ mpé loléngé losúsu losengeli na molangi.

Loléngé la O likólo[kokoma | kobɔngisa mosólo]

O likólo ya molangi[kokoma | kobɔngisa mosólo]

Lisano liye lisengeli na basani básáto tǒ likólo, ndembó, molangi mpé zɛ́lɔ.

  • Basani básáto: basani babalé bakotɛlɛmɛ na ntáká mpé mosani óyo azalí na ngala akozala na káti mpé azalí na molangi muye asengeli kotondisa na zέlɔ mpé nsima ya kotondisa kosopa. Sɔ́kí atondisi molangi na zέlɔ mpé amusopi, yě alongi mpwé. Basani babalé bakosála nyónsɔ ekoki mpó na kopekisa yě kotondisa molangi na komobambaka ndembó, sɔ́kí ndembó etuti yě, yě abimi na lisano mpé moníngá mosúsu akoti. Kasi sɔ́kí yě ayambi ndembó na mabɔ́kɔ ntángo basani baye babalé bazalí komobamba, yě akobwaka ndembó mosíká mpenzá mpé akosála mánsɔ́ akoki mpó nakotondisa milangi ebele mpé komisopa ntángo mosani óyo azalí kobamba akeyi koluka ndembó.<br\>Ɛngɛ́bɛ́nɛ́ na boyókani bwa bangó na ebandeli ya lisano, yě akoki kobomba koyamba ya yě. Eye elingi koloba, sɔ́kí ayambi ndembó akobwaka yangó mosíká tɛ́ kasi akozongisa yangó na basani baye bazalí koluka kobimisa yě kasi yangó ekopɛsɛ yě eposa ya kotikala na lisano sɔ́kí ndembó etuti yě na nzóto. Motángo yě akoyamba ndembó mpé akozongisa yangó na basani ezalí motángo muye yě akotikala na lisano nsima ya kotutana na ndembó. Sɔ́kí ndembó etuti yě koleka motángo muye yě ayambáki ndembó na mabɔ́kɔ, yě akobima na lisano mpé mosani mosúsu akokɔtɔ mpé yě akokóma mobambi ndembó.
  • Masangá mabalé: Lisangá lyɔ̌kɔ́ okosála mosálá ya kobamba ndembó na mosani tǒ basani ba lisangá lisúsu ntángo bangó bazalí kotondisa molangi na bangó mpó na komosopa. Ɛngɛ́bɛ́nɛ́ na boyókani bwa bangó na ebandeli ya lisano, basani banso ba lingómbá bakoki kotondisa molangi na zέlɔ elɔngɔ́ mpé na komusopa na nsima tǒ bakoki komutondisa mɔ̌kɔ́ mɔ̌kɔ́. Sɔ́kí ndembó etuti mosani, yě abimi na lisano mpé okozela téé baníngá ba yě bánsɔ ba lisangá babima na lisano mpó lisangá lizwa esíká ya babambi mpé lisangá lisúsu ekɔtɔ o káti mpó na kotondisa molangi na zέlɔ.


Sɔ́kí o ebandeli ya lisano bangó bandimaki 'te koyamba ekoki kopɛsɛ eposa na kotikala na lisano nsima ndembó emotuti, káka mosani óyo ayambi ndé akozala na eposa wana, yě akoki kopɛsɛ eposa yangó na mosani mosúsu tɛ́ na lingómbá lya bangó óyo asilaki kobima na lisano mpó ndembó emotutáki.

O likólo ya molangi tέ[kokoma | kobɔngisa mosólo]

Lisano liye lisengeli káka na basani básato tǒ likólo lya mísáto mpé ndembó.

Yangó likoki kosanama na bato basáto tǒ masangá mabalé mpé mpwé ezwami na koyamba ndembó tǒ kolekisa ndembó na tshiobo eye elingi koloba kolekisa ndembó na káti-káti ya makolo. Koyamba ndembó ekopɛsɛ mpwé mibalé mpé kolekisa ndembó tshiobo ekopɛsɛ mpwé mɔ̌kɔ́.



Wiki letter w.svg Óyo ezalí ndámbo. Okokaka kosálisa mpé kobalusa.


Tug of war pictogram.svg Masano Aéroball pictogram.svg

Masano lya ndembo · Motópi · Motópi mwa dangú ·
Bobuni bwa makɔ́fi ·
Masano masúsu ma bǎna · Silikɔ́ti · Lipatɛ́ · Kɛ́dɛ́n · Coca cola · Nzángó · Kébó · O likólo · Kɛ́dɛ́n · Kɛ́dɛ́n · Djemba