Mikakatano na minyo

Útá Wikipedia.

Mikakatano na minyo eza bokono boye bowuti na parasite oyo ebengami minyo.[1] Ba infections elakisaka bilembo te na batu koleka 85%, mingi mpeza soki motango ya ba minyo eza moke.[1] Bilembo bibakisamaka kolandana na motango ya minyo oyo eza nakati ya libumu mpe ekoki kozala mpema mokuse na fièvre na ebandeli ya bokono.[1] Yango ekoki kolandisama na bilembo ya kovimba libumu, mpasi na se ya libumu mpe pululu.[1] Bana nde bazwamaka mingi na bokono oyo, mpe na mibu nabango bokono bokoki kozangisa bango ndenge ya komatisa kilo ya nzoto, bolei mabe na mikakatano mpo na koyekola.[1][2][3]

Infection esalemaka na bolei biloko to komela mayi oyo eza contaminé na maki ya minyo kouta na nyei.[2] Maki ekobota nakati ya mitsopo, komilekisa nakati, mpe kokende na poumon na nzela ya makila.[2] Ntango bakomi kuna bakokota na ba alvéoles mpe koleka na trachée, epayi wapi bakosanzama mpe komelama.[2] Ba larve na sima bakokende na libumu mbala ya mibale epayi wapi bakokola kokoma minyo ya mikolo.[2] Mikakatano ya minyo etiyami bo bokono oyo ekipamaka te na region tropicale mpo ezali lolenge ya helminthe oyo epesamaka kouta na mabele. Bokono oyo bozali bongo nakati ya ngulupa ya maladi oyo ebengami helminthes.[4]

Mpo na komibatela esengeli konetola assainissement, oyo ezali bongo kozala na ba toilettes ya malamu mpe koyeba epayi wapi malamu kotika nyei.[1][5] Kosukola maboko na sabuni emonani ete ebatelaka.[6] Na bisika oyo koleka 20% ya batu bazwami na minyo, esengelaka kotraiter batu nionso na bileko biye bibongisami.[1] Batu mingi bamonaka bokono oyo kozongela bango.[2][7]  Mangwele eza te.[2] Ba traitements oyo eza recommandé na Organisation Mondiale ya Santé eza ba nkisi ya albendazole, mebendazole, levamisole to pyrantel pamoate.[2] Ba nkisi mususu ya makasi eza tribendimidine na nitazoxanide.[2]

Pene na 0.8 kino 1.2 billion ya batu mokili mobimba baza na minyo mpe baye batungisami mingi eza baye baza na Afrika ya se ya Sahara, Amerique Latine, na Asia.[1][8][9] Yango esali ete mikakatano na minyo ezala bokono boye bozwaka batu mingi na ngulapa ya ba maladi helminthe oyo epesamaka kouta na mabele.[8] Kotala na mobu ya 2010 ememaki liwa ya batu 2,700 motango oyo mokitaki kouta na 3,400 na mobu ya 1990.[10] Lolenge mosusu ya Minyo etungisaka ba ngulu.[1]

References[kokoma | kobɔngisa mosólo]

  1. 1,0 1,1 1,2 1,3 1,4 1,5 1,6 1,7 et 1,8 Dold, C; Holland, CV (Jul 2011). "Ascaris and ascariasis.". Microbes and infection / Institut Pasteur 13 (7): 632–7. doi:10.1016/j.micinf.2010.09.012. PMID 20934531. 
  2. 2,0 2,1 2,2 2,3 2,4 2,5 2,6 2,7 et 2,8 Hagel, I; Giusti, T (Oct 2010). "Ascaris lumbricoides: an overview of therapeutic targets.". Infectious disorders drug targets 10 (5): 349–67. doi:10.2174/187152610793180876. PMID 20701574. 
  3. "Soil-transmitted helminth infections Fact sheet N°366". World Health Organization. June 2013. http://www.who.int/mediacentre/factsheets/fs366/en/. 
  4. "Neglected Tropical Diseases". June 6, 2011. http://www.cdc.gov/globalhealth/ntd/diseases/index.html. Retrieved 28 November 2014. 
  5. Ziegelbauer, K; Speich, B; Mäusezahl, D; Bos, R; Keiser, J; Utzinger, J (Jan 2012). "Effect of sanitation on soil-transmitted helminth infection: systematic review and meta-analysis.". PLoS medicine 9 (1): e1001162. doi:10.1371/journal.pmed.1001162. PMID 22291577. 
  6. Fung, IC; Cairncross, S (Mar 2009). "Ascariasis and handwashing.". Transactions of the Royal Society of Tropical Medicine and Hygiene 103 (3): 215–22. doi:10.1016/j.trstmh.2008.08.003. PMID 18789465. 
  7. Jia, TW; Melville, S; Utzinger, J; King, CH; Zhou, XN (2012). "Soil-transmitted helminth reinfection after drug treatment: a systematic review and meta-analysis.". PLoS neglected tropical diseases 6 (5): e1621. doi:10.1371/journal.pntd.0001621. PMID 22590656. 
  8. 8,0 et 8,1 Keiser, J; Utzinger, J (2010). "The drugs we have and the drugs we need against major helminth infections.". Advances in parasitology 73: 197–230. doi:10.1016/s0065-308x(10)73008-6. PMID 20627144. 
  9. Fenwick, A (Mar 2012). "The global burden of neglected tropical diseases.". Public health 126 (3): 233–6. doi:10.1016/j.puhe.2011.11.015. PMID 22325616. 
  10. Lozano, R (Dec 15, 2012). "Global and regional mortality from 235 causes of death for 20 age groups in 1990 and 2010: a systematic analysis for the Global Burden of Disease Study 2010.". Lancet 380 (9859): 2095–128. doi:10.1016/S0140-6736(12)61728-0. PMID 23245604.